بلغني ايها الملك الرشيد
ذو الرأي السديد
والفريق الفريد
والاهلي حديد
أن فريقا
كان لليوروهات سديد
وارسل في طلب شحنة من حديد
ليلاعب فريقا اوروبيا من جديد
ويرسل في طلب برشلونه الفريد
يحكي انه
في سالف العصر والاوان
كان في فريقا عامل زي الرهوان
يرتدي الفنيله الحمرا وغفل باقي الالوان
وقد ظهرت فضيحته من اسكندريه حتي اسوان
الحكايه ايه بقي
صلوا بينا علي النبي
يا عم ما تصلي علي النبي
( اللهم صلي عليك يا نبي)
كان فيه واد اسمه الشاطر عمرو اسف صالح
خرج مره من مباراه ولسه سليم
كان بيلعب علي النجيله وبعدين قعد علي الدكه عشان يبقي السيد
رئيس جمهورية النادي الاهلي
تحيا جمهورية الاهلي العربيه ام زمبلك
قوم ايه معاه بقي الاهلي ماسك القرن
اقصد فريق القرن
ما علينا
راح ودفع شوية ملايين
عشان يلاعب
ريال او ربع جنيه مش فاكر
المهم انه كان من مدريد
وطبعا انت مدريت اللي حصل
ده حصل وطحينه
طحينا من النوم
ونوم من عمر الاهلي
او نوم في استاد القاهره
من فريق الاهلي
الاهلي كان دافع فلوس
وكمان نازل ضرب في الفريق
وفي الاخر الفريق معروف مستواه
فسابوا الماتش للاهلي
بواحد صفر
او واحد شاي
وده طبعا حدث في صانداي
اقصد اللي جاب الجون كان يوم الاحد
ماعلينا
حبايبنا بتوع الفانيله الحمرا افتكروا نفسهم شياطين بجد
وطبعا مقولكش علي الغرور
اللي حصل بعد الماتش
ما علينا
لكن وبعد كام سنه
راحوا افتكروا الكدبه الكبيره بتاعه هزيمة الربع جنيه بتاع مدريد
راحوا ايه
باعتين لاسبانيا
وطلبوا منهم يلاعبوهم قصاد هبرة يوروهات
القصد
الناس قالو ييجوا يشوفوا الهرم وابو الهول
ويلعبوا ماتش
وياخدوا فلوس
ويتفسحوا
وطبعا
انا ماليش في الكوره
لكن سمعت ان التذكره وصلت
خمس الاف جنيه
عشان ايه
الاهلي هيلاعب برشلونه
طيب هي فين المشكله
اقولك يا سيدي
الاهلي كان فاكر انه فعلا فريق ممكن يلاعب فرقه محترفه
القصد
ما اطولش عليكم ولا اطول
بتوع برشلونه
لاعبوهم بالاشبال
راحوا جابوااتنين
راح مانويل جوزيه باللبانه بتاعته
حلوه اللبانه دي
اصله كان بيفترسها
ومنظر بقه ولا اجدع معلمه في بولاق
القصد
راح اتخانق معاهم وقالهم انا طلبت فريق
الميني مش الاشبال
(والميني في اللعبات الرياضيه الجماعيه هو فريق ما بعد الست سنوات)
دول مستواهم اعلي من فرقتي
وطبعا بما انهم مش بيفهموا عربي
راحوا نازلين بالفريق الكبير
رونالدينوا واخواته
واللي طبعا كان خايف يلعب لان الاهلاويه كانوا عاملين ابونيه مع مشتشفه التأمين الصحي
فبيكسروا براحتهم
راح جايب جونين تانيين
واحد اسمه ايتوا
وعلي راي يوسف باشا وهبي
ايتوا يا ايتو
واتكسر القرن
وبقي الاهلي بدون قرن
لكن الحقيقه ان
الاهلي طول عمره بطل القرن
ودي مش عاوزهكلام
لكن الفريق الاسباني اكتشف اللي مااكتشفوش
اللعيبه بتوع الاهلي
ان الاهلي
بطل القرنين
لانه لعب بطريقة مصارعة التيران الاسبانيه
كان نفسهم يجيلهم عقد عمل في اسبانيا
في مهرجان مصارعة التيران
وطبعا
مكانت شغريبه علي برشلونه الطريقه دي لانهم اكتر ناس فاهمين
في مصارعة التيران
بس الغريبه
ان التيران دايما بيمسكولهم منديل كبير احمر
لكن ما شاء الله
الاهلي كسر القاعده
واخد المنديل الاحمر
وعملة تيشيرت
ولاول مرة اصحاب القرنين
بيبقوا لابسين احمر عشان كده كانوا
بيكسروا في اللعيبه المحترفين
وبيبصوا دايما علي نفسهم
ونسييوا انهم بيلاعبوا الفريق
رقم اتنين علي العالم
وهكذا
وبعد مباراه مؤلمه
كانت نهايه
ماشط اليوم
بهزيمة فريق ونادي القرنين
النادي
او نادي علي الاهلي
ودمتم
وحينئذ
ادركت شهرزاد نهاية المباراه
وسألت عن الفوره من كام
فأجابها الحكام
هي كانت من 6
بس رأفة بحال فريق القرنين
خليناها من اربعه
ودمتم